Secitse

Min lief da was een vizze, ze wiste ip alles iets
'k oa zukk'n marchandizze, moa ze wilde juste nieks
nen oester in champagne, ze trokt (h)eur neuze ip
en goave 'k een stik lasagne, (h)eur antwoord da woa ne skip

een portie peutebill'n, ze zei mins da stinkt noa loak
A'k rebjes wilde griell'n, ze moest oest'n van de roak
Een soepe met anjoentjes, ze klaagde van (h)eur strop
en in hespe me meloentjes zat er veel te vele zop

Gif ze Secitse me kudul, en z'it er beukske vul
Gekap in een zakske, 't kan doa niet'n nie an
Gif ze Secitse me kudul, dad ordinaire spul
Ne worst in zin frakske, en doa kwijlen ze van

'k i joaren moet'n zoeken achter ne goe menu
Mien kot ligt vul me boek'n over eiers en fondue
Mo 'k i't eindelijk gevonden wat da min skeetje mag
En z'èt alles verslonden dat ip (h)eur assiete lag

Gift ze Secitse me kudul, en z'i't er beukske vul
Gekap in een zakske, 't kan doa niet'n nie an
Gif ze Secitse me kudul, dat ordinaire spul
Ne worst in zien frakske, en doa geil ze zie van

Gift ze Secitse me kudul, en stikt er beukske vul
Gekap in een zakske, 't kan doa niet'n nie an
Gif ze Secitse me kudul, dat ordinaire spul
Ne worst in zin frakske, doa kwijl ze zie van